Qarabag Media
Haqqımızda Əlaqə

Şəhidlik ömrü ilə dünya ömrü tən oldu...— Uğrunda şəhid olduğu torpaq hələ də düşməndə...


Tarix:11-10-2018, 13:06 Kateqoriya:Manşet / Cəmiyyət

Şəhidlik ömrü ilə dünya ömrü tən oldu...— Uğrunda şəhid olduğu torpaq hələ də düşməndə...

Bizim isə Qarabağsız illərimiz Qarabağlı illərimizlə tən oldu, əziz şəhid dostumuz!.. Sən bizdən qat-qat xoşbəxtsən!..

Bu gün həyatda qalan əzizlərini, dostlarını o cümlədən həmyaşıd orta məktəb yoldaşlarını səndən xoşbəxt sananlar yanılırlar, zənnimcə, torpaqlarımız uğrunda canını fəda edən qeyrətli dost!.. Çünki sən artıq şəhidlik zirvəsindəsən, bizsə hələ bu günah bataqlığı olan dünyanın qayğıları ilə çabalayırıq... Sən 25 illik dünya ömrünü şərəflə tamamlayıb 25 ildir Allah dərgahında -Cənnət kandarında daha gözəl günləri gözləyirsən. Bizlər – fitnə-fəsad dolu Yer üzündə 50-ci il mövcud olan həmyaşıdların isə 25 ildən çoxdur Qarabağ, Şuşa, Laçın, Kəlbəcər, Ağdam... həsrətindəyik. 25 ildən çoxdur sənin uğrunda həlak olduğun torpaqları, sənin doğma kəndini azad edib qisasını ala bilməmişik... Biz hələ Qiyamət günü Allahın qarşısında nə cavab verəcəymizi düşünürük. Sən isə artıq Vətən, xalq qarşısındakı borcunu layiqincə ödəyib can əmanətini şərəflə Yaradana qaytarmısan, sən sorğu-sualsız Cənnnətdə qalacaqcan, inşallah!.. Vay əlini-əlinin üstünə qoyub ermənipərəst ABŞ-dan, Rusiyadan, Fransadan, BMT-dən, ATƏT-dən, AŞ-dan-filandan torpaqlarımızı azad edəcəklərini uman, gününü yalnız gündəlik çörək, maşın, ev, ailə qayğısıyla keçirən bizlərin gününə!..
Yaradan bağışlasın bizi! Sən də bağışla, əziz dost!.. Torpağımıza dönə bilməsək də, Allah Onun, Vətənin, Qarabağın uğrunda, şərəfli ölümlə yanına gəlməyi qismət etsin bizlərə!..

Eyni məktəbdə eyni sinifdə oxuduğumuz şəhid Kamal Cabbarovla bağlı xatirələrimi bu il iyunun 30-da 50 illik yubileyinin tamamında da yazmışdım (bax:http://www.moderator.az/news/231108.html)... Dünən –oktyabrın 10-da isə şəhid məzarına qoyulmasından 25 il ötdü...

Cabbarov Kamal Bəbəş oğlu 1968-ci ildə Laçın rayonunun Fətəlipəyə kəndində anadan olub. 1985-ci ildə Ağanus kənd orta məktəbini bitirib. 1986-1988-ci illərdə sovet ordusunda hərbi xidmətdə olub.

1989-cu ildə Mingəçevir Politexnik Texnikumunu bitirib. 1993-cü ildə Milli Ordu sıralarına daxil olaraq cəbhəyə yollanıb. Cəbrayıl rayonunun Daşbaşı kəndi uğrunda gedən döyüşlərdə ağır yaralanıb və 1993-cü ilin oktyabr ayının 9-da ŞƏHİD olub. Oktyabrın 10-da Bakıdakı Şəhidlər Xiyabanında dəfn olunub.

Allah rəhmət eləsin!..
Allah dərgahında görüşmək ümidi ilə:

Sultan Laçın

Mənbə: moderator.az










SON XƏBƏRLƏR
Avstraliya Qüdsü rəsmən İsrailin paytaxtı kimi tanıdı
"Nərmin Şahmarzadəni cinayət məsuliyyətinə cəlb etmək lazımdır"- Millət vəkili
Ramiz Rövşənin doğum günüdür - "Bağışla, bağışla, məni bağışla"
Faiq Ələkbərlinin "Azərbaycan Türk fəlsəfi və ictimai fikir tarixi" adlı kitabı işıq üzü görüb
Ankaradan Bağdada cavab: "Terrorizm əleyhinə bu cür əməliyyatlar davam etdiriləcək"
Türkmənistanda ilk Xəzər iqtisadi forumu keçiriləcək
Tolstoy olan yerdə Dostoyevski kim idi…
Deputat sərxoş halda dava salması ilə bağlı yayılan xəbərlərə münasibət bildirdi
Mahir Abbaszadə: "Bu gün Azərbaycan dünya miqyasında ən sürətlə inkişaf edən ölkələr sırasında öncül yerlərdən birini tutur"
Əməyin simfoniyası — Qəzənfər Hüseynovun Laçın xatirələri
“Açıq şəkildə dedim: Serj, beş rayonu geri qaytar…” - Lukaşenko ilk dəfə açıqladı
Türk ordusu Suriyada nəhəng hərbi əməliyyata başladı – VİDEO
Bu il Azərbaycanda qış sərt keçməyəcək - RƏSMİ
FHN-in iki vəzifəli şəxsinə general rütbəsi verildi
İlham Əliyev Mövlud Çavuşoğlunu qəbul etdi
ARİFİN VƏTƏN, TORPAQ ADLI AĞRISI
Rövşən Rzayev Şüvəlandakı köçkünlərlə görüşdü - FOTOLAR
Vətənini və dövlətini canından çox sevən mərhum millət vəkili – Zakir Sərdarov
30 il əvvəl Laçında da belə idi...
"Uzaqlar yaxın olsa…” — Ayaz Arabaçı yeni kitabını təqdim etdi - FOTOLAR
Xətai Rayon İcra Hakimiyyətinin başçısı vəzifəsindən azad edildi
NATO nümayəndə heyəti ölkəmizdə səfərdədir
Abşeron rayonunda Şəhid ailələrinə, 20 Yanvar və Qarabağ əlillərinə mənzillər verildi
İlham Əliyev Rəcəb Tayyib Ərdoğana başsağlığı verdi
Sergey Lavrov Bakıya gəlir
ATƏT sərhəddə monitorinq keçirib
Azərbaycanlı iş adamı: "100 şəhid anasının hər birinə 11 min manat ödəməyə hazıram"
Gürcüstanda ən populyar üç soyaddan ikisi azərbaycanlılara məxsusdur
Dillərdə dastan “Çalıquşu”nun məğrur və yoxsul müəllifi – Rəşad Nuri Güntəkin
Qüdrətdən səngərli, qalalı dağlarda Vətən keşikçiləri ilə keçirilən 2 qürurlu gün...