Qarabag Media
Haqqımızda Əlaqə

Həsrət qoxuyan qeydlər - Qönçəgül Kamalqızı


Tarix:1-10-2018, 17:04 Kateqoriya:Yazarlar / Cəmiyyət

Həsrət qoxuyan qeydlər - Qönçəgül Kamalqızı
Qönçəgül Kamalqızı

Həsrət qoxuyan qeydlər


Atamdan sonra anam, övladları, bir də kiçik bir qutuya sığan əşyaları qalıb. O əşyaların içərisində bir dəftər var. Köçkünlüyümüzün tarixi yazılan, vərəqləri həsrət qoxuyan qeyd dəftəri.
Dəftəri vərəqləyirəm, nələr yoxdu burda… Pərən-pərən düşən insanların ünvanları, soyuq pansionatlar, yataqxanalar, evlərdən çıxarılan ailələr, yardım ediləcək insanlar, işıq, su, qaz problemi, açılacaq məktəblər, görüləcək işlər, daha nələr- nələr. Oxumaq ağır gəlir.
O qədər telefon nömrələri var ki. Hər biri də bir ümid yeri. Hərdən deyirəm, atamın barmaqları, görən, yorulmayıbmı o nömrələrə zəng etməkdən?
Bu qeydləri yazdığca nə hisslər keçib ürəyindən. Atam Laçınsız cəmi 4 il dözüb yaşadı. Onun ölümünə təəccüb qalmışdım.
Şux qamətli, qara saçlarına bir dən düşməyən güclü insan necə oldu da qəfil xəstələndi, köçdü bu həyatdan?
Sən demə atam bu qeyidləri yazdıqca hər gün bir az ölürmüş. Hər gün bir az daralırmış nəfəsi. Hər kəsin ağrısını, çətinliyini yığırmış ürəyinə. Çarə olmağa çalışırmış.
O çinar adam hansı yaralar aldı, nə sarsıntılar keçirdi, kim bilir?
İndi əzik, solğun vərəqlərdəki yazıların hər birinə sığal çəkib, layla deyirəm.
Atam vətəndən uzaqda köksüz ağac kimi yaşayırdı. Qəriblik rüzigarı onun çinar qamətini əyirdi yavaş-yavaş. Siqareti siqaretə calayırdı.
Kaş ki o zamanlar atamın ağrıyan ürəyindən, tütün qoxuyan barmaqlarından öpə bilsəydim. Onun əzablarına məlhəm olmaq üçün.
O dağlarını, meşələrini görmədən, bulaqların suyunu içmədən, kəkliyə, qırqovula toxunmadan, çiçəkləri qoxlamadan yaşaya bilməzdi. Dərdi Vətən boyda idi. Nə yerə, nə də göyə sığardı. Yazmağa mürəkkəbi yetməzdi...
Əzizim gəl, gözüm gəl
Sənə qurban özüm gəl.
Yəqin qədrin bilmədim
İndi çıxır gözüm gəl....
Atamın qeyd dəftərində yazdığı bir bayatıdı. Hansı məqamda, nədən təsirlənib qələmə alıb bilmirəm. Amma bu bayatı bir ata sözünü xatırladır mənə. “El üçün ağlayan göz kor olurmuş” deyirlər.
Mənim atam dəyərli bir insan idi. Tanıyanlar bilir ki, o, köçkünlük zamanında el-oba üçün əlindən gələni əsirgəmədi. Vətən ola bilməsə də, yaxşı vətəndaş oldu.
Onu çoxlarından fərqləndirən savadı, insanlığı, şərəfi, ləyaqəti və ən əsası vicdanı idi. Nə var-dövlət, nə də şan-şöhrət üçün yaşadı həsrətinin ağrısı gözlərinə çökmüş bu adam. El üçün yandı, el yolunda fəda oldu.



Karabakhmedia.az










SON XƏBƏRLƏR
Başı qırxılan qadın...
İraqda İŞİD üzərində qələbənin ildönümü qeyd olunur
Kəlbəcərdən yeni görüntülər - VİDEO
Umayra Tağıyeva yeni vəzifəyə təyin olunub
İlham Əliyev Beynəlxalq Şahmat Federasiyası prezidentini qəbul etdi
Vətəndaşlara birdəfəlik ödəmələrlə bağlı narazılıqlara aydınlıq gətirildi
Alimlərimizin dünyaya çıxmaq imkanları var
Dövlət Komitəsinin əməkdaşı Gürcüstandakı Ahıska türkləri ilə görüşüb
"Arsenal" - "Qarabağ" oyununun hakimləri açıqlanıb
Mərhum General-mayor Fikrət Məmmədovun doğum günüdür
Özü ölsə, sözü ölməz ustadın
Vaşinqtonda Azərbaycan Parlamentinin 100 illiyi qeyd edilib
RONNI Electronics -yeni il qabağı müştərilərini hədiyyələrlə sevindirdi
Azərbaycanda xəbər aparıcılarının tələffüz zamanı etdikləri səhvlər açıqlanıb - SİYAHI
Şəlvə sovməəsi - Laçının əsir abidələri - FOTO
Nyu-York radiosunda Rəşid Behbudova həsr edilmiş veriliş yayımlandı
Azərbaycan Türk fəlsəfəsindən yarpaqlar: TAHİRƏ (ZƏRİNTAC) QÜRRƏTÜL-EYN - II YAZI
Paşinyanı Moskvada mühafizəçilərlə bir yerdə əyləşdirdilər
Qurban Qurbanov millidən getdi
Millət vəkili şagirdlərə dərs vəsaiti göndərdi
“Azərbaycan...Qazax...Səməd” - Mühacir Baycanın son sözləri
Azərbaycan və İran birgə peyk istehsalını planlaşdırır
Günah xəbərlərini həvəslə tirajlamayın!.. - Bunun özü də böyük günahdır...
Niderlandın “Wereldregio” qəzeti Niderland-Azərbaycan əlaqələri haqqında yazdı
Ərdoğan Poroşenkonun xahişini Putinə çatdırdı
Cavid Qurbanov: “Atillanın ayağı dəyən bütün türk torpaqlarına iddialıyıq”
Səksən səkkiz il əvvəl baş vermiş üsyan
Bu gün Azərbaycan Cümhuriyyətinin ilk baş nazirinin doğum günüdür
Sankt-Peterburqda İlham Əliyevin Nikol Paşinyanla söhbəti oldu
Koçaryanın həbsi barədə qərar verildi